في ظهرية يوم خميس كنت راجع البيت ميت جوع .. رحت اسئل الوالدة عن الغداء الا تقول انه توه باقي ساعه عليه ! يالله الحين وشلون بانتظر ساعه كاملة ؟ قعدت افكر وش اشغل نفسي فيه الحين ؟ الانترنت وطفشان منه والكتب مالي خلق اقرأ .. الا تذكرت كاميرتي الي لي شهور ما استخدمتها .. رحت ادورها وابد مالقيت الغبار متجمع عليها .. المهم طلعت الحوش وكان لي هالصورتين ..

امس صلوا صلاة الاستسقاء .. واليوم سبحان الله الدنيا مليانة غيم .. تخيلوا معي الساعه 2 الظهر في عز القايلة والغيوم مغطية الشمس .. صراحة جو يفتح النفس ..

هذي صورة توثق الحدث .. اضغط عشان تشوفها كاملة ..

الاحلى من كذا انه بين العصر والمغرب نزل رش خفيف .. بس ماطول نص دقيقة ووقف ! .. ماعلينا اهم شي انه شفنا شي اسمه مطر ..