المقالة السابقة
المقالة التالية
الأثنين
    23
مارس
2009
الهروب من الرياض

مصنف في: مجتمع, منوعات

في انجاز جديد لمدينة الكتمة عفواً الرياض .. مجلة Business Week تصنف الرياض كثالث اسوء مدينة للعمل .. على كلامهم الرياض مدينة خطيرة جداً .. الاسباب الي خلتهم يصنفونها بالمركز هذا على حد قولهم هي العنف والقمع السياسي - هم الي يقولونه موب انا :mrgreen: - والبيئة الاجتماعية .. عدم وجود مراكز للاستجمام و ايضاً بسبب الثقافه العامه والاستقعاد في كل شي بداية من اللبس والحركة والتصرفات .. امكانية حدوث عمل اراهابي في اي لحظة – هذي مشكلة الي يتابع افلام واجد :) - .. والعيشة الصعبة خاصه للنساء الاجنبيات ..

تدرون ماعلينا منهم .. انتم وش رايكم في الرياض :) ؟

التعليقات 7

  1. خالد:

    مرحبا عزوز ،

    حلوة ثالث أسوأ مدينة للعمل ن الأكيد أنهم ما عرفوا بعض المدن المتخلفة ولا ما يقولون هالكلام .

    رأيي الشخصي من تجربة بأن الرياض مدينة لا تشتاق إليها عندما تبتعد عنها وتهمهم بالسفر عندما تطول إقامتك فيها ..

    الرياض جميلة ويكفيها جمالاً وجود أشخاص رائعيين كأمثالكم على ترابها ..

    دمت بود ودامت الرياض شامخة مع إنشاء كثير من أماكن الترفيه للشباب مستقبلاً :) ،

    الثلاثاء 24 مارس 2009 في الساعة 11:50 م |

  2. خالد:

    عفوا ،

    تصحيح للخطأ في التعليق السابق :

    رأيي الشخصي بأن الرياض مدينة تشتاق إليها عندما تبتعد عنها وتهمهم بالسفر عندما تطول إقامتك فيها ..

    وأكبر دليل أناملي تكتب والشوق يشدني لزيارتها :) .

    عذراً مرة أخرى ..

    الثلاثاء 24 مارس 2009 في الساعة 11:53 م |

  3. يارا:

    الرياض مدينة لا تشتاق إليها عندما تبتعد عنها وتهمهم بالسفر عندما تطول إقامتك فيها ..
    ولولا اهلها لما بقينا فيها

    الخميس 26 مارس 2009 في الساعة 6:37 ص |

  4. Bright:

    خالد:
    صراحة ما اذكر اني مره سافرت واشتقت ارجع للرياض الا يمكن مره وحده ..
    طلعت اخر الليل ابي اتعشى ولقيت كل المطاعم مسكرة ..
    ذيك الساعه تمنيت اني في الرياض :mrgreen:

    يارا:
    جبتي المختصر المفيد .. اتفق معك يارا ..

    الجمعة 27 مارس 2009 في الساعة 10:22 م |

  5. يارا:

    والحين هالمره الي اشتقت فيها للرياض مارح تتكرر لان كل شي صار مايفتح من بعد 12

    الأحد 29 مارس 2009 في الساعة 12:02 م |

  6. عبدالله أباحسين:

    قالها أبو نورة .. آآه ما أرق الرياض ..
    صدقني الرياض مدينة غريبة ، رغم أني مو مقتنع بتاتاً ببعض كلامهم ، لكن الرياض مدينة فعلاً غريبة !

    تشتاق لها وأنت مسافر شوق كبير ! ولما ترجع لها تتمنى يجي اليوم اللي تسافر فيه ! تناقض أعرف لكن هذا الشعور اللي أحس فيه بدون أي كذب !
    عموماً ،، الله لا يخلينا منها بس

    السبت 11 أبريل 2009 في الساعة 5:11 ص |

  7. Fr7:

    الرياض؟!

    أتفق معاهم في الكلام 70%

    احس اني ذايقه الويل في الرياض..
    انا من الشرقية و لسوء الحظ طلع قبولي في جامعة الملك سعود بالرياض

    أول شي و أهم شي (الناس)
    يعني بصراحه الغالبية الكبرى تلاقيهم جلفين بالتعامل ولا يعاملونك كويس
    و كل واحد شايف روحه و الناس في عيونه صغار.. و دايم معصبين
    قسم بالله في ناس يكرهوني في الساعه اللي جيت فيها الرياض..

    بس طبعاً ما أنكر فيه ناس على قولة راشد الماجد (ينحطون على الجرح يبرا)
    اكيد لو خليت لخربت..

    ثاني شي الجو و الغبار مررره متعب و المطاعم يا كثرها بالرياض احس مافيه اماكن حلوه كثير..

    دايماً استنى متى يجي الويك اند عشان انزل الخبر بس الحمدلله تعودنا على الوضع شوي ..

    (و اعـذرونـي يا أهل الرياض اذا غلطت في حقكم تراكم على راسي و عيني بس للأسف هذا اللي اعيشه في الرياض)

    مدونه رائعه و مميزه استمتعت فيها جداً
    و ستتكرر زيارتي لها اكيد :)

    الأربعاء 10 يونيو 2009 في الساعة 1:48 م |

أكتب تعليقاً